У першынстве Акадэміі МУС па самба перамагла каманда 3 «В» курса факультэта міліцыі. Немалая заслуга ў гэтым нашага чэмпіёна Рамана Даміява (на фота - другі справа).
Курсант Раман Даміеў ўжо трэці год запар выйграе «золата» на першынстве ВНУ па самба. Задоўга да спаборніцтваў спартсмен дапамагаў аднакурснікам падрыхтавацца да адказнага старту, што, несумненна паўплывала, на выніковы вынік каманды.
Яшчэ ў школьныя гады Раман станавіўся прызёрам і чэмпіёнам рэспубліканскіх спаборніцтваў па самба і дзюдо. Хлопец пачаў свой спартыўны шлях у 9 гадоў, калі разам з бацькам ўпершыню наведаў барацьбітаўскую трэніроўку. У 10-м класе Раман задумаўся пра паступленне ў Акадэмію МУС, спадзеючыся, што ў міліцэйскай ВНУ працягне займацца спортам. Цяпер курсант трэніруецца ў дацэнта кафедры прафесійна-прыкладной фізічнай падрыхтоўкі - заслужанага майстра спорту СССР палкоўніка міліцыі ў адстаўцы Антона Новіка.
Яшчэ на першым курсе Раман падняўся на вышэйшую прыступку п'едэстала гонару рэспубліканскага чэмпіянату па самба, пасля чаго курсанту было прысвоена званне майстра спорту. Дасягнення змагара на гэтым не скончыліся. Ён стаў трохразовым чэмпіёнам Беларусі па самба, выйграваў на рэспубліканскіх універсіядах і міжнародных спаборніцтвах. Рома уключаны ў склад нацыянальнай зборнай каманды нашай краіны па самба.
Алег Дземянцей, 3 «В» курс.
Фота Аляксея Пятровіча